– دروستكردنی كادرێك كە بتوانێت تێگەیشتن و هەڵسەنگاندنی هەبێت بۆ دۆخی سیاسی وكۆمەڵایەتی وبتوانێت كاریگەری دروست بكات لەسەر دەوروبەری لە ڕێگای شیکاری دووربین و بڕیاردانی شارەزایانە.
– دروستكردنی كادرێك بە ئاگابێت لە گۆڕانكارییە نوێكانی ئەم سەردەمەو بتوانێ هەم خۆی لەگەڵیاندا بگونجێنێ هەم بیانخەتە خزمەت ئامانجەكانی یەكێتی.
– ئاشناكردنی كادران بە ئەدەبیاتی سیاسی هەڤاڵ مام جەلال و یەكێتی نیشتیمانی كوردستان بەگشتی.
– كادری یەكێتی نیشتیمانی كوردستان باشتر لە بونیاد و پێكهاتەی كۆمەڵایەتی و ئایینی كۆمەڵگای كوردستان و عیراق تێبگات و بتوانێت كاریگەری ئیجابی دروست بكات .
– نوێكردنەوەی پەیكەری حزب و خستنەگەڕی توانای نوێ، بەشێوەیەك كە (یەكێتی) لەتوانایدا هەبێت خۆی نوێبكاتەوە و لەگەڵ گۆڕانكاریی سیاسیی و كۆمەڵایەتیەكانی كۆمەڵگا بگونجێت.
– پێشخستنی توانای نوسین و خوێندنەوە و بەرزكردنەوەی ئاستی ڕۆشنبیری گشتی.
– ئاشنابون بە تەكنەلۆجیای سەردەم كە بۆ كاری ڕۆژانەی حیزبی پێویست بێت.

– ژمارەی كورسیەكانی ئەم دبلۆمە 120 كورسیە بۆ هەر ڕاوەندێك.
– ئەگەر ئەوانەی داخوازیان هەیە بۆ خوێندن لە ژمارەی كورسیەكان زیاتر بوو ئەوا وەرگرتن بە پێشبڕكێ دەبێت و نیوەی كورسیەكان تەرخان دەكرێت بۆ ژنان و ئەم پێوەرانە ڕەچاو دەكرێن:

1- بڕوانامەی دبلوم  (10) خاڵ وەردەگرێت.
2- بڕوانامەی بكالوریوس (15) خاڵ.
3- بڕوانامەی ماستەر (20) خاڵ .
4- بڕوانامەی دكتۆرا  (25) تا (35) ساڵی بۆی هەیە پێشكەش بكات خاڵ.
5- زانینی یەكێك لە زمانەكانی ئینگلیزی یا عەرەبی دوای پشتڕاستكردنەوە (5) خاڵ.
6- ساڵی پەیوەندی بە یەكێتیەوە بۆ هەر ساڵێك (1) خاڵ
7- بۆ هەر خولێكی حزبی كە لەماوەی سێ ساڵی ڕابردودا بینیویەتی و ماوەكەی لە (15) كاتژمێر كەمترنەبێت ئەوا (5) خاڵ وەردەگرێت.

– پەیڕەو و پرۆگرامی یەكێتی نیشتیمانی كوردستانی لاپەسەند بێت هەوڵ بدات بۆ جێبەجێكردنیان.
– پێشكەشكار بەلایەنی كەمەوە هەڵگری دەرچووی دوانزەی ئامادەیی بێت.
– لە هەڵسەنگاندنی زارەكیی دەربچێت كە لەلایەن مەڵبەندی دیراساتەوە ئەنجام ئەدرێت.
– تەمەنی لەنێوان 18 بۆ 28 ساڵ بێت.
– حەزی بۆ كاری سیاسی وحزبی هەبێت و ئەگەر پێشتر بەشداری چالاكی سیاسی یا ڕێكخراوەیی كردبێت ئەوا هەلی بەشداریكردنی زیاتر ئەبێت.
– ئامادەبێت سەرجەم مەرج و ڕێنماییەكانی خوێندن قبوڵ بكات و بەبێ هۆیەكی قبوڵكراو واز لە خوێندنەكەی نەهێنێت.
– هیچ سزایەك نەدرابێت لەلایەن دامودەزگا و ئۆرگانەكانی یەكێتی نیشتیمانی كوردستان.

ئەم پرۆگرامە ماوەی (9) مانگی خوێندن واتا (ساڵێكی ئەكادیمی) دەخایەنێت لە دوو كۆرس  پێكدێت هەر كۆرسێك ماوەكەی 15-17 هەفتەیە، هەر هەفتەیەك چوار ڕۆژ وانەی ڕوبەڕوو دەخوێندرێت.

– وانەخوێندنی ڕوبەڕو لە ناوپۆل: بەشداربوان هەموو هەفتە لەناو مەڵبەند وانە دەخوێنن هەر هەفتەیەك چوار ڕۆژ.
– وانە خوێندنی ئۆنلاین: لە هەر هەفتەیەكدا خوێندكاران یەك بابەت بەشێوەی ئۆنلاین دەخوێنن،وانەی هەر هەفتەیەك بە ڕەزامەندی مامۆستای بابەت و ئیدارەی ئەكادیمیا دیاری دەكرێت.
– سەردانی مەیدانی و خوێندنی پراكتیكی.
– زمانی عەرەبی لە تەواوی ماوەی دبلۆمەكە هەفتانە دوو كاتژمێر بەردەوام دەبێت.

– تێگەیشتن لە سیستەمە سیاسیەكان بەگشتی و سیستمی سیاسی و دەستوری لە هەرێمی كوردستان
– شارەزابون لە ئەدەبیاتی سیاسی مام جلال و یەكێتی نیشتیمانی كوردستان.
– پێكهاتە و مێژوو و شێوازی كار و فكری حزبە كوردستانیەكان.
– پێكهاتە و مێژوو و شێوازی كار و فكری حزبە عیراقیەكان.
– شێوازەكانی نوسینی ئەكادیمیی و زانستی.
– تێگەیشتن و قسەكردن و نوسین بە زمانی عەرەبی.
– پەرەپێدانی توانای هەڵسەنگاندن و لێكدانەوەی سیاسی.
– خۆ گونجاندن لەگەڵ تەكنەلۆجیای نوێ و بەكارهێنانی بۆ سودی گشتی.
– ناسینی پێكهاتەی كۆمەڵایەتی هەرێمی كوردستان(نەتەوە ، ئاین ، ڕێچكەو ئاینزاكان) لێكۆڵینەوە لە مێژو و كاریگەرییان لەسەر پرسە سیاسیەكان.
– پێشخستنی توانای پەیوەندیكردنی سیاسی و كاریگەری دانان لە سەر دەوروبەر.
– شارەزابون لە بنەماكانی كارگێڕی سەردەم وچەسپاندنی كلتوری ڕێكخراوەیی لە هزری بەشداربوان و هەوڵدان بۆ ڕەنگدانەوەی لە كاری ڕۆژانەی حزبیان.

– دەرچون لە هەر بابەتێك لەسەر (100) دەبێت كە (50) نمرە لەسەر كۆشش و چالاكیەكانی ڕۆژانەیە وە (50) بۆ تاقیكردنەوەی كۆتایی دەبوێت.
– ئەو بابەتانەی پشت بە ڕاهێنان دەبەستن شێوازی هەڵسەنگاندن مامۆستای ڕاهێنەر دیاری دەكات.
– توێژینەوەی دەرچون لە چوارچێوەی كاتی دیاریكراوی كۆرسەكان پێویستە تەواو بكرێت.
– ئەوانەی كە خولەكە تەواو ئەكەن بە هەردووبەشی كۆرسی خوێندن و نوسینی توێژینەوە، ئەوا وا ئەژمار دەكرێت كە (60) یەكەی كۆكردۆتەوە.

هەر مامۆستایەك پێویستە بەلایەنی كەمەوە 4 لەم ستراتیجانە بەكاربهێنێت:
– سیمینار ( شرۆڤەی بیردۆز و بۆچونەكان، كارلێك لەگەڵ خوێندكاران لە ڕێگەی پرسیار و وەڵام و گفتوگۆ)
– دروستكردنی گروپ ( ئەنجامدانی كاری هاوبەش لە نێوان گروپەكان، هەڵسەنگاندنی هەر گروپێك بۆ ئەویتر، چارەسەری كێشە ، پتەوكردنی كاری گروپ)
– كورتكردنەوەی كتێب و توێژینەوە:( لە بابەتی پەیوەست بە ماددەكە مامۆستا كتێب و توێژینەوە هەڵدەبژێرێت و بەشداربوان پوختەی لێ پێشكەش دەكەن)
– پێشكەشكردنی پرێزنتەیشن: (لە پۆلدا لە هەر بابەتێك بەشداربوان مەرجە كە بەلایەنی كەمەوە پرزنتەیشنێك بكەن)
– نوسینی ڕاپۆرت
– نوسینی سەرنج لەسەر ڤیدیۆ
– قسەكردن لە بۆنەی گشتی( كۆڕ و سیمینار ڕێك دەخرێت و خوێندكاران هەلی قسەكردنیان پێدەدرێت بەمەبەست گەشەپێدانی توانای قسەكردن لە بۆنە گشتیەكاندا)
– كۆڕبەند و بازنەی كار( لە بوارە گەرمەكانی ڕۆژ كەسێك بانگهێشت دەكرێت گفتوگۆی بابەتەكە دەكات لەگەڵ بەشداربوان)
– سەردانی مەیدانی

– بڕوانامەی دەرچون تەنها بەوانە ئەدرێت كە تەواوی دبلۆمەكە بەسەركەوتویی تەواوئەكەن.
– ئەوانەی دبلۆمەكە تەواو ناكەن داتا ونمرە بەدەستهاتوەكانیان دەپارێزرێت و بۆیان هەیە سود لە نمرەی بابەتەكان وەربگرن و پشتگیریان بۆ بكرێت بۆ خولەكانی داهاتو. واتا ئەگەر كەسێك لە بابەتێك دەرچوبو ، ئەوا تا (3) ساڵ پێویستی بە خوێندنەوەی هەمان بابەت نابێتەوە.بەڵام پێویستە كۆرسێكی بەتەواوی تەواوكردبێت.
– ئەوانەی كە لە بابەتێك ئەكەون ئەتوانن بۆ یەك جار بەشداربن لە دوبارە هەڵسەنگاندنەوە، ئەگەر جاری دووەمیش دەرنەچوو ، ئەوا پێویستە دوبارە خوێندنەوەی بابەتەكە لە كۆرسێكی داهاتودا. بەمەرجێك ئەو بابەتەی لێی كەوتوە بابەتی پێش مەرج نەبێت بۆ كۆرسی داهاتو.

– ئەوانەی بەسەركەوتویی ئەم دبلۆمەكە تەواو دەكەن و توانای خۆیان پێشان دەدەن، ئەوا ڕۆڵ و پێگەی شایستەیان پێئەدرێت لە دامودەزگاكانی حزب بەپێی بونی شوێن و توانای بەردەست.
– ئەوانەی بڕوانامەیان هەیە پشتگیری ئەكرێن تا بڕوانامە بەرزتر لەبواری خۆیان بهێنن.
– لە مەڵبەندی دیراسات سود لەتواناكانیان وەردەگیرێتەوە بەپێی پێویستی مەڵبەند لەبواری نوسین و وەرگێڕان و شیكردنەوەی سیاسی یا هەر بوارێكی تر كە پێویست بێت.
– لە كاتی بونی پێشبڕكێ بۆ وەرگرتنی پۆستێك (حزبی ، ڕێكخراوەیی،) ئەوانەی هەڵگری ئەم بڕوانامەیەن ئەوا مافی لەپێشینە(حق الأفضلية)يان پێئەدرێت، واتا ئەگەر دوو ڕكابەرەكە لەزۆربەی پێوەرەكان هاوتابون ئەوا ئەوە پێش دەخرێت كە خاوەنی ئەم بڕوانامەیەیە.
– ئەم بڕوانامەیە هاوكاردەبێت لە دروستكردن و گەشەپێدانی پەیوەندییەكانی بەشداربوان لەگەڵ دامو دەزگاكانی یەكێتی.

– مەڵبەندی دیراساتی گشتی تەواوی تێچوی خوێندنەكە لە ئەستۆ دەگرێت و بەشداربوان هیچ بڕە پارەیەك نادەن.
– شوێنی مانەوە بۆ بەشداربوان دابین دەكرێت.
– دابینكردنی نانخواردنی نێوەڕۆ و بەیانی.

پشووە ڕەسمیەكانی وڵات خوێندن ئەوەستێنن و دواتر ماوەی پشوەكە قەرەبو دەكرێتەوە بەو پێیەش خشتەی كاتەكان دەگۆڕێت.
هەڵسەنگاندی نیوەی كۆرس لە كاتی تەرخانكراوی هەر بابەتێك ئەنجام ئەدرێت.
یەكەم: كۆرسی یەكەم  ( 16 – 2 – 2025) بۆ (12 -6 – 2025)

دووەم: كۆرسی دووەم  (29- 6 – 2025) بۆ ( 23-10- 2025)
سێیەم: 1 ـ 11ـ 2025 ڕاگەیاندنی ئەنجامی كۆتایی

– دوای خوێندنی چوار هەفتە و ئاشنابون بەو بابەتانەی كە ئەخوێندرێن، هەر خوێندكارێك بابەتێك هەڵئەبژێرێت بۆ توێژینەوە.
– بەپێی پسپۆریی مامۆستایەك ئەبێتە سەرپەرشتیار و ڕێنوێنیكاری بۆ نوسین.
– پێویستە تا دەستپێكی تاقیكردنەوەی كۆتایی كۆرس تاوتوێی توێژینەوەكەی كردبێت.
–  ئەو توێژینەوانەی بە شایستەی بڵاوكردنەوە بزانرێن چانسی بڵاوكردنەوەیان پێدەدرێت لە بڵاوەكراوەكانی مەڵبەنددا.
– ئەگەر بەشداربویەك نەیتوانی توێژینەوەكەی لەكاتی خۆیدا تەواو بكات بەهەر هۆیەك ئەوا تەنها بۆ یەك جار مافی درێژكرنەوەی هەیە بۆ ماوەی دوو مانگ.
– ئەگەر دوای درێژكردنەوەی یەكەم بەهەر هۆیەك نوسینەكەی تەواو نەكات ئەوا بە كەوتوو دائەنرێت لە كۆی پرۆگرامەكە.
دواتر بە ڕێنماییەك وردەكاری نوسینی توێژینەوەكە ڕوندەكرێتەوە.

– لیژنەیەك لە (ناوەندی دیدار گەشەپێدان – ئەكادیمیای پێگەیاندنی كادران)بەردەوام چاودێری كوالێتی پرۆگرامەكە دەكات و بۆ ئەم مەبەستە ڕێوشوێنی زانستی ئەگیرێتەبەر.
– دوای تەوابونی دبلۆمەكە و دوای سێ مانگ بەدواداچون دەكرێت بەمەبەستی دڵنیابوون لە بەدەستهێنانی ئامانجەكانی ئەم پرۆگرامە.
– لە كاتی بەڕێوەچونی خوێندن و دوای هەموو هەڵسەنگاندنێكی مانگانە لیژنەی زانستی دەتوانێت بڕیاری گۆڕانكاری بدات بەمەرجێك هیچ گۆڕانكاریەك لە (10%) ی كۆی گشتی پرۆگرامەكە تێپەڕ نەكات، وە كۆی گشتی گۆڕانكاریەكانیش نابێت لە (25%) تێبپەڕێت.

لە بەڵگە نامەی سەربەخۆدا هەن و بۆ ئەم دبلۆمەش كاریان پێدەكرێت.